ثانوية الشهيدجلال خدام

اهلا بكل الزوار

يهتم بكافة أمور الثانوية

المواضيع الأخيرة

» معهد دار المعرفه
الأربعاء سبتمبر 07, 2011 5:07 am من طرف محمد جلول

» كلمات تدمع العين
الأحد سبتمبر 04, 2011 5:11 am من طرف محمد جلول

» الم وحزن من الفراق
الأحد سبتمبر 04, 2011 4:51 am من طرف محمد جلول

» إعراب كلمة فلسطين
الجمعة سبتمبر 02, 2011 1:21 pm من طرف jode

» أنور إمـــــــــــام شعر ولمحة بسيطة
الجمعة أغسطس 26, 2011 1:47 pm من طرف jode

» اسباب اعتداء الجن على مساكن الانس ودلائل تواجدها
الجمعة أغسطس 26, 2011 1:39 pm من طرف jode

» لست ادري هل أنا وحيييييد؟؟؟؟
الأربعاء أغسطس 24, 2011 8:13 am من طرف محمد جلول

» كيف يمكنك معرفة الساحر؟؟؟
الأربعاء أغسطس 24, 2011 8:10 am من طرف محمد جلول

» قصة حزينة بابيات شعرية مؤثرة
الإثنين أغسطس 22, 2011 8:34 am من طرف محمد جلول

مجموعة الادارة

أ. عمر سليمان : مديرالمنتدى

أ. سامي حسن : مشرف عام

              

        


    الشب و البنت و السرفيس

    شاطر
    avatar
    jode

    عدد المساهمات : 247
    تاريخ التسجيل : 28/05/2010
    العمر : 22

    الشب و البنت و السرفيس

    مُساهمة  jode في الجمعة أغسطس 12, 2011 3:00 pm

    المواقف اللي ممكن تتعرض إلها وانت بداخل السيرفيس

    وانت طالع ممكن يخبط راسك بالباب لأن ارتفاعو غلط
    فاذا كنتي بنت رح تسمعي : الله الله خير صرلك شي ؟؟؟؟ من كل الركاب و نظرات العالم كلها شفقة و وكلن رح يضربو الشوفير لأن الحق عليه ما اشترا سيرفيس الو اكياس هوا مشان الصدمات
    واذا كنت شب فرح تسمع العالم عم تضحك وتقول العما ضربو مانو شايف !!!!!!! يالله بيستاهل ..شوف وين كان عم يبصبص

    وقت بتسكر الباب بهدوء تبعا لتعليمات الاعلان اللي موضوع عالباب وما بيتسكر
    اذا كنت بنت … دخيل الله شو هالأنوثة ليك وحتى عالباب مالها نفس تخبطو
    اذا شب …. ليك التشتوش ليك مالو حيل يسكر الباب تفه عهالجيل

    وقت بتسكرو بقوة
    اذا كنت بنت … يا حرام اكيد معصبة من شي شغلة الله يعينها
    اذا شب …. هشششش فهمنا انك قبضاي خلعت الباب

    وانت قاعد ممكن يجيك اتصال
    اذا كنت بنت ….. ياخ مأحلا صوتها نيالو المحظوظ .. ومعها اريكسون يا اخي مزوقة
    اذا كنت شب …. تضرب انت واللي داير عليك وطي صوتك صرعتنا والله فهمنا معك موبايل

    وقت بيوقفلك الشوفير وما بيكون في معو محلات أصلاً
    اذا كنت بنت ما عليك الا انو تنظري نظرة وحدة لأي شب من اللي قاعدين بتلاقيه نط وقعد عالسفنجة اللي بعكس الشوفير
    اذا شب دبر حالك عالدولاب وازا ما عجبك روح مشي شهههه نحنا بعمركن كنا نروح عالحسكة مشي


    وقت بيكون معك اغراض
    اذا بنت في مين يطالعلك ياهن وينزلن ويحطن بحضنو اذا بدك والناس شو بتقول بقلبا : يا حرام!! وين اخواتها الشباب يجيبو الاغراض
    واذا كنت انت اخوها وجبنت الاغراض شو رح يقولو ؟؟ هوهوووووووو تعا حطن بحضننا !!! كلو مشان ما تاخد تاكسي لعما البخل


    وقت بتطلع غنية بشعة والصوت قوي
    اذا بنت الك الحق تقوليلو وطي الصوت ازا بتريد او غير المحطة والعالم رح تقول اي اي غيرا (اكيد في الها ذكرى حزينة بقلبها)
    اما اذا شب رح يلتفت عليك الشوفير ويقوي الصوت حبة تانية ورح يقول : ليك هالعالم ليك بدو يشترينا بالخمس ليرات تبعيتو !!!


    وقت بدك تعطي الاجار
    ما بتفرق بدك تحط ال 7 ازا بتكون جاي من جزر القمر وهاي الشغلة الوحيدة اللي ما فيها تفرقة عنصرية

    وقت بدك تنزل وتقول للشوفير على مهلك وما يسمع بسبب الاغاني اللي حكينا عنها من شوي
    اذا كنت شب بيتطلع فيك اللي حدك وبيقلك بنظرة فوقية : ما سمع صوتك
    وبينط التاني بعد ما بتمر جنب بيتك وانت مستغرب انو السرفيس ما عم يفكر يوقف وبيقلك نازل ؟؟
    واذا بنت ما عليكي الا انو تفكري تفكير بالنزلة او تهمسي همس بينك وبين حالك نزلني واسمعي الشباب كلن بصوت واحد :على مهلك على مهلك ….. نزلها …. شو مانك سامع ؟
    …. عاليمين … نزلاااااااااااااااااااااا العمى بعيونو هالشوفير
    والله هاد زمن البنات شو بدنا بالحكي
    سلام
    avatar
    محمد جلول

    عدد المساهمات : 89
    تاريخ التسجيل : 28/10/2010
    العمر : 22
    الموقع : سوريا المجد

    رد: الشب و البنت و السرفيس

    مُساهمة  محمد جلول في الجمعة أغسطس 12, 2011 3:17 pm

    حلوووووووو كتيييييير رح انتحر احسن شي أو اعمل اعتصااام بالكراااااااج ههههههههههه
    avatar
    jode

    عدد المساهمات : 247
    تاريخ التسجيل : 28/05/2010
    العمر : 22

    رد: الشب و البنت و السرفيس

    مُساهمة  jode في الجمعة أغسطس 12, 2011 3:19 pm

    [quote="محمد جلول"]حلوووووووو كتيييييير رح انتحر احسن شي أو اعمل اعتصااام بالكراااااااج هههههههههه Laughing Very Happy

    ليش الاعتصام؟؟ههه
    avatar
    محمد جلول

    عدد المساهمات : 89
    تاريخ التسجيل : 28/10/2010
    العمر : 22
    الموقع : سوريا المجد

    رد: الشب و البنت و السرفيس

    مُساهمة  محمد جلول في الجمعة أغسطس 12, 2011 3:51 pm

    لان بس البنااات عم ندعموا هههههه

      الوقت/التاريخ الآن هو الثلاثاء أكتوبر 23, 2018 11:17 pm